Yaponiya strateji neft ehtiyatlarından əlavə həcmlər buraxacaq

Fins.az - Yaponiya hökuməti 2026-cı il may ayının əvvəlində strateji neft ehtiyatlarından əlavə həcmdə xam neft buraxmağı planlaşdırır.

Məlumata görə, bu həcm ölkənin təxminən 20 günlük daxili tələbatını ödəməyə kifayət edəcək.

Qərar Yaxın Şərqdə davam edən qeyri-sabitlik və qlobal enerji bazarlarında yaranan təzyiqlər fonunda qəbul edilib. ABŞ ilə İran arasında atəşkəs elan olunmasına baxmayaraq, Hörmüz boğazında gəmiçilik ciddi məhdudiyyətlərlə üzləşib.

Bəzi tankerlərin keçidinə icazə verilsə də, ümumi nəqliyyat axınının demək olar ki, dayanması regiondan neft ixracını çətinləşdirir.

Yaponiya idxal etdiyi neftin təxminən 90 faizini Yaxın Şərqdən əldə etdiyi üçün hökumət alternativ mənbələrin artırılması və təchizat marşrutlarının şaxələndirilməsi istiqamətində tədbirləri gücləndirir.