Türkiyədə inflyasiya fevralda yenidən sürətləndi

Fins.az - Türkiyədə fevral ayında inflyasiya son beş ayda ilk dəfə sürətlənib və ərzaq məhsullarının bahalaşması fonunda oktyabrdan bəri ən yüksək səviyyəni yeniləyib.

Məlumata görə, ötən ay ölkədə inflyasiya illik ifadədə 31,53% təşkil edib. Bu göstərici yanvar ayında 30,65% idi.

Məlumata görə, qiymət artımına əsasən ərzaq məhsulları, tütün və səhiyyə xidmətlərinin bahalaşması təsir edib. Bununla yanaşı, kommunal xidmətlər və nəqliyyat sahəsində qiymət artımının tempi müəyyən qədər zəifləyib. Aylıq inflyasiya isə 2,96% olub.