TSMC rekord mənfəət açıqlayıb

Fins.az - Dünyanın aparıcı sifarişlə çip istehsalçısı olan Taiwan Semiconductor Manufacturing Company (TSMC) 2026-cı ilin birinci rübündə rekord həcmdə mənfəət əldə edib.

Şirkətin xalis mənfəəti yanvar-mart aylarında 572,5 milyard yeni Tayvan dolları (təxminən 18,2 milyard ABŞ dolları) təşkil edib. Bu göstərici analitiklərin gözləntilərini üstələyib.

TSMC-nin maliyyə nəticələrindəki artım əsasən süni intellekt texnologiyalarında istifadə olunan qabaqcıl çiplərə yüksək tələbatla bağlıdır.

Bundan əvvəl açıqlanan məlumata görə, şirkətin gəlirləri də əhəmiyyətli dərəcədə artaraq birinci rübdə 35 faiz yüksəlib.