Qlobal çip satışları iyulda 62,1 milyard dollara çatdı — İllik artım 20,6%

Finss.az xəbər verir ki, Yarımkeçiricilər Sənayesi Assosiasiyası (SIA) tərəfindən yayımlanan press-relizə əsasən, 2025-ci ilin iyul ayında qlobal çip satışları illik müqayisədə 20,6% artaraq 62,1 milyard dollara çatıb. İyun ayı ilə müqayisədə isə artım 3,6% təşkil edib.

Regional satış göstəriciləri belədir:

• Şimali və Cənubi Amerika: illik +23,9%, aylıq +8,6%

• Asiya-Sakit okean və digər regionlar: illik +35,6%, aylıq +4,9%

• Çin: illik +10,4%, aylıq -1,3%

• Avropa: illik +5,7%, aylıq dəyişməyib

• Yaponiya: illik -6,3%, aylıq -0,2%

SIA dünya üzrə yarımkeçirici istehsalçılarının əsas platformasıdır və ABŞ sənayesi üzrə 99%, qlobal istehsalçıların isə 66%-ni təmsil edir.

Bu artım yarımkeçirici texnologiyalarına olan tələbatın davam etdiyini göstərir və xüsusilə süni intellekt, avtomobil sənayesi və rəqəmsal transformasiya sahələrində çiplərə olan ehtiyacın artdığına işarə edir.