OpenAI rekord $122 milyard investisiya cəlb edib
Fins.az - ABŞ-ın süni intellekt sahəsində fəaliyyət göstərən şirkəti OpenAI rekord həcmdə – $122 milyard investisiya cəlb etdiyini açıqlayıb. Bu maliyyələşdirmədən sonra şirkətin ümumi bazar dəyəri $852 milyard səviyyəsində qiymətləndirilib.
Şirkətdən bildirilib ki, bu investisiya mövcud dövrün tələb etdiyi miqyasda liderliyi qorumaq üçün zəruri resursları təmin edir.
Bu, Silikon Vadisi tarixində ən böyük investisiya raundu hesab olunur. Raundun əsas investorları sırasında Amazon, Nvidia və SoftBank kimi texnologiya nəhəngləri yer alıb.
OpenAI qeyd edib ki, Nvidia şirkəti onların texnoloji infrastrukturunun əsasını təşkil etməyə davam edəcək. Şirkətin süni intellekt modellərinin öyrədilməsi və istifadəsi üçün əsas texnoloji baza Nvidia-nın qrafik prosessorları üzərində qurulub və bu əməkdaşlıq yeni investisiya ilə daha da genişləndiriləcək.
