OPEC 2025 və 2026-cı illər üzrə neftə tələbat artımı proqnozunu dəyişməyib
Finss.az xəbər verir ki, OPEC-in (Neft İxrac Edən Ölkələr Təşkilatı) oktyabr ayına dair aylıq hesabatında, təşkilat 2025 və 2026-cı illər üzrə qlobal neftə tələbat artımı proqnozlarını dəyişməyib.
2025-ci il üçün tələbat artımı gündəlik 1,3 milyon barel,
2026-cı il üçün isə 1,38 milyon barel səviyyəsində saxlanılıb.
Təşkilatın proqnozlarına əsasən, ümumi gündəlik neft tələbatı aşağıdakı kimi olacaq:
- 2024-cü il: 103,84 milyon barel/gün
- 2025-ci il: 105,14 milyon barel/gün
- 2026-cı il: 106,52 milyon barel/gün
Hesabatda həmçinin rüblük göstəricilərə də toxunulub. Qlobal tələbatın rüblər üzrə təxmini səviyyəsi belədir:
- I rüb: 104,29 milyon barel/gün (dəyişiklik yoxdur)
- II rüb: 104,15 milyon barel/gün (əvvəlki: 104,34 mln)
- III rüb: 105,53 milyon barel/gün (dəyişiklik yoxdur)
- IV rüb: 106,57 milyon barel/gün (əvvəlki: 106,37 mln)
OPEC ekspertləri qeyd edir ki, tələbat artımı əsasən Asiya-Sakit okean regionu, Hindistan, Orta Şərq və Afrika ölkələri tərəfindən dəstəklənəcək. İnkişaf etmiş ölkələrdə isə sabitləşmə gözlənilir.
Mövcud qiymətləndirmələr qlobal iqtisadiyyatın yavaş templə olsa da, böyüməyə davam etdiyini göstərir və bu da enerji ehtiyaclarını artırır.
