Neft qiymətləri geosiyasi gərginlik fonunda artdı

Finss.az xəbər verir ki, çərşənbə axşamı günü neft qiymətləri sürətlə yüksəlib, investorlar geosiyasi xəbərləri izləyir, ŞƏT sammitinin nəticələrini qiymətləndirir və ABŞ-ın əsas iqtisadi göstəricilərinin açıqlanmasını gözləyirlər.

Londonun ICE Futures birjasında Brent markalı neftin noyabr fyuçersləri bir barel üçün 69,4 dollar olub, bu, əvvəlki hərracın bağlanışına nisbətən 1,25 dollar (1,83%) artım deməkdir. NYMEX-də WTI neftinin oktyabr fyuçersləri 1,89 dollar (2,95%) bahalaşaraq 65,9 dollara yüksəlib.

Qiymət artımı, Ukrayna ilə silahlı münaqişənin güclənməsi və Rusiyadan neft tədarükünün kəsilməsi ehtimalı ilə əlaqələndirilir.