“Brent”in barreli 65,05 dollara kimi bahalaşıb

Neftin qiymətləri ardıcıl üç seans ucuzlaşdıqdan sonra çərşənbə axşamı səhər bərpa olunur.

Finss.az xəbər verir ki, Bakı vaxtı ilə saat 8:15-də Londonun ICE Futures birjasında Brent markalı iyun fyuçerslərinin qiyməti 0,84 dollar (1,31%) bahalaşaraq 65,05 dollar/barelə çatıb. Bazar ertəsi Brent markalı neft 1,37 dollar (2,1%) ucuzlaşaraq 64,21 dollar/barel olub.

Bu vaxta qədər WTI markalı neftin may fyuçersləri Nyu-Yorkun NYMEX əmtəə birjasında elektron hərraclarda 0,87 dollar (1,43%) bahalaşaraq 61,57 dollar/barelə çatıb. Əvvəlki sessiyada müqavilə bir barel üçün 1,29 dollar (2,1%) ucuzlaşaraq 60,7 dollar olub.