Kering I rübdə gəlirini 6% azaldıb – Gucci satışları geriləyib

Fins.az - Fransanın moda holdinqi Kering SA 2026-cı ilin birinci rübündə gəlirini illik müqayisədə 6% azaldaraq 3,568 milyard avroya endirib. Ötən ilin eyni dövründə bu göstərici 3,813 milyard avro təşkil edib.

Şirkətin maliyyə nəticələrinə əsasən, azalma əsasən Gucci brendinin satışlarının zəifləməsi ilə bağlıdır.

Sabit valyuta məzənnələri ilə hesablanan müqayisəli satışlar isə dəyişməz qalıb. Analitiklər bu göstəricinin təxminən 5,8% azalacağını proqnozlaşdırırdılar.

Beləliklə, Kering-in nəticələri gözləntilərdən nisbətən yaxşı olsa da, əsas brend olan Gucci-də zəif dinamika şirkətin ümumi performansına mənfi təsir göstərib.