Bu ilin ilk yarısında Azərbaycan neftini ən çox alan 10 ölkə - SİYAHI
Fins.az – 2026-cı ilin yanvar–iyun aylarında Azərbaycan neftinin ən böyük idxalçı ölkələri məlum olub.
Dövlət Gömrük Komitəsinin məlumatına əsasən, hesabat dövründə Azərbaycan neftinin ən böyük alıcısı İtaliya olub. Bu ölkəyə 3,495 milyard ABŞ dolları dəyərində 5,915 milyon ton xam neft və neft məhsulları ixrac edilib.
İkinci yerdə 497,4 milyon ABŞ dolları dəyərində 705,8 min ton idxal edən Çexiya qərarlaşıb. İlk üçlüyü isə 253,1 milyon ABŞ dollarından çox dəyərində 358,8 min ton neft idxal edən Bolqarıstan tamamlayıb.
2026-cı ilin yanvar–iyun aylarında Azərbaycandan ixrac edilən xam neft və neft məhsullarının ən böyük 10 idxalçısı aşağıdakılardır:
Ölkə | İdxal həcmi (ton) | İdxal dəyəri (ABŞ dolları) |
|---|---|---|
İtaliya | 5 915 025.73 | 3 495 238 670 |
Çexiya | 705 791.25 | 497 377 570 |
Bolqarıstan | 358 842.99 | 253 113 500 |
Rumıniya | 461 317.25 | 247 844 980 |
Hindistan | 320 497.27 | 247 366 970 |
Portuqaliya | 395 031.62 | 221 958 010 |
Almaniya | 360 299.00 | 210 855 820 |
Tunis | 307 167.03 | 187 605 080 |
Yunanıstan | 284 374.74 | 182 764 510 |
Xorvatiya | 276 342.95 | 162 720 430 |
Digər ölkələr | 740 777.35 | 524 576 700 |
Dövlət Gömrük Komitəsinin məlumatına görə, ümumilikdə 2026-cı ilin yanvar–iyun aylarında Azərbaycandan dünya ölkələrinə 6,231 milyard ABŞ dolları dəyərində bitumlu süxurlardan əldə edilən 10,125 milyon ton xam neft və neft məhsulları ixrac olunub.
Bu göstərici 2025-ci ilin eyni dövrü ilə müqayisədə dəyər ifadəsində 178 milyon ABŞ dolları və ya 2,8%, həcm ifadəsində isə 1,921 milyon ton və ya 15,9% azalıb.
