Honda maliyyə proqnozlarını pisləşdirib, $15,7 mlrd-a qədər silinmə mümkündür

Fins.az - “Honda” cari maliyyə ili üzrə maliyyə proqnozlarını pisləşdirib. Şirkət martda başa çatacaq maliyyə ilində 270–570 milyard yen əməliyyat zərəri gözlədiyini açıqlayıb. Halbuki əvvəlki proqnozda 550 milyard yenədək mənfəət nəzərdə tutulurdu.

Yeni qiymətləndirməyə görə, şirkətin xalis illik zərəri 420–690 milyard yen ola bilər.

“Honda” həmçinin elektromobil strategiyasının yenidən nəzərdən keçirilməsi səbəbindən 2,5 trilyon yenə (təxminən 15,7 milyard dollar) qədər aktiv silinməsi edə bilər. Şirkət Şimali Amerikada üç elektrik avtomobili modelinin hazırlanmasını dayandıracaq.

Bundan əlavə, ABŞ-da idxal rüsumları və Çində satışların azalması da şirkətin nəticələrinə mənfi təsir göstərib.