Dövlət satınalmaları üzrə açıq tenderlər elan olunub
2026-cı ilin mart ayının 2-də bir sıra dövlət satınalmaları üzrə açıq tenderlər elan olunub.
Azərbaycan Respublikasının Energetika Nazirliyi 2026/KS/01241/V1 nömrəli tender çərçivəsində komputer və avadanlıqların alınmasını planlaşdırır. Tenderin ehtimal olunan dəyəri 39.720,50 AZN-dir və təkliflərin təqdim olunma tarixi 19 mart 2026-cı il saat 17:00-dır. Satınalmalara 15.6 düymlük notebooklar, 23.8 düymlük monobloklar, çoxfunksiyalı printerlər, simsiz klaviaturalar və veb-kameralar daxildir. İştirak haqqı 79,44 AZN, istifadə haqqı isə 25 AZN-dir. Tenderdə tələb olunan minimum iddiaçı sayı 3-dür və bütün prosedurlar yalnız elektron portal vasitəsilə aparılır.
Azərbaycan Yerüstü Nəqliyyat Agentliyi 2026/AT/00413/V2 nömrəli tenderlə Bakı şəhərinin küçə və prospektlərində sərnişin avtobusları üçün dayanacaqların təmir və bərpasını, həmçinin yararsız elementlərin ərazidən kənarlaşdırılmasını planlaşdırır. Tenderin dəyəri 682.754,02 AZN təşkil edir. İşlərə plastik dam örtüklərinin, emaye basqılı şüşələrin və işıqpaylayıcı lövhələrin sökülməsi və quraşdırılması daxildir. İştirak haqqı 450 AZN, istifadə haqqı 25 AZN-dir və minimum iştirakçı sayı 3 təyin olunub. Bütün prosedurlar elektron portal üzərindən həyata keçirilir.
Siyəzən Rayon Statistika İdarəsi 2026/KS/01242/V1 nömrəli tender çərçivəsində dəftərxana və təsərrüfat mallarının alınmasını nəzərdə tutur. Tenderin dəyəri 760 AZN-dir və kağız (A4), qələmlər, arxiv qovluqları və digər dəftərxana materiallarını əhatə edir. İştirak haqqı 10 AZN, istifadə haqqı 25 AZN-dir və minimum iştirakçı sayı 3-dür. Tenderin bütün mərhələləri yalnız elektron portal vasitəsilə aparılır.
Azərbaycan Respublikasının Mərkəzi Bankı 2026/AT/00926/V1 və 2026/AT/00927/V1 nömrəli tenderlərlə IT avadanlıqlarının daşınması və quraşdırılmasını, eləcə də inzibatı binalardakı su, kanalizasiya, isitmə-soyutma və havalandırma sistemləri üçün ehtiyat hissələrinin alınmasını planlaşdırır. İştirak haqqı müvafiq olaraq 250 AZN və 136,82 AZN, istifadə haqqı hər iki tenderdə 25 AZN-dir. Tenderlərin ehtimal olunan qiymətləri müvafiq olaraq 128.661,89 AZN və 68.407,55 AZN təşkil edir. Minimum iştirakçı sayı IT avadanlıqları üçün 2, ehtiyat hissələr üçün isə 3 təyin olunub. Tenderlərin bütün mərhələləri yalnız elektron portal vasitəsilə keçirilir və məlumat mübadiləsi qanunvericiliyə uyğun həyata keçirilir.
Bütün tenderlərdə iştirak və istifadə haqları ödənildikdə geri qaytarılmır və təchizatçılarla əlaqə vasitəçilər olmadan təmin edilir. Məlumat mübadiləsi və sənəd təqdimatı yalnız portal üzərindən həyata keçirilir və üçüncü tərəflərə açıqlanmır.
