Çində neft və qaz hasilatı artıb

Fins.az - Çinda aprel ayında neft hasilatı ötən ilin eyni dövrü ilə müqayisədə 1,2 faiz artaraq 17,94 milyon tona çatıb.

National Bureau of Statistics of Chinanin məlumatına görə, ilin ilk dörd ayında ölkədə ümumi neft hasilatı 72,74 milyon ton olub ki, bu da illik müqayisədə 0,5 faiz artım deməkdir.

Eyni zamanda, neft emalı həcmi aprel ayında 5,8 faiz azalaraq 54,65 milyon tona düşüb. Bu göstərici 2022-ci ilin avqustundan bəri ən aşağı səviyyə hesab olunur.

Təbii qaz hasilatı isə ötən ay 3 faiz artaraq 23,4 milyard kubmetrə çatıb. Yanvar-aprel aylarında ümumi qaz hasilatı 90 milyard kubmetr təşkil edib.