Çin məlumat emalı mərkəzləri şəbəkəsinə 295 milyard dollar sərmayə yatıracaq

Fins.az - Çin yaxın beş il ərzində ölkə üzrə məlumat emalı mərkəzlərinin tikintisinə təxminən 2 trilyon yuan və ya 295 milyard dollar sərmayə yatırmağı planlaşdırır.

Məlumata görə, ölkə rəhbərliyi qarşılıqlı əlaqəli hesablama qovşaqlarından ibarət geniş şəbəkənin yaradılması üzərində işləyir.

Layihə çərçivəsində tikiləcək məlumat emalı mərkəzlərinin böyük hissəsi dövlət şirkətləri tərəfindən idarə olunacaq.

Həmçinin həmin şirkətlər mərkəzlər arasında rabitə və məlumat ötürülməsini təmin edəcəklər.