Çin Maersk və MSC-dən Panama limanlarını tərk etməyi tələb edib

Fins.az - Çinin Milli İnkişaf və İslahat Komissiyası mart ayında Danimarkanın Maersk və İsveçrənin Mediterranean Shipping Company (MSC) şirkətlərindən Panama kanalı ətrafındakı limanların idarəçiliyini dərhal dayandırmağı tələb edib.

Məlumata görə, qurum həmçinin şirkətləri Çin şirkətlərinin maraqlarına zərər verə biləcək “qanunsuz hərəkətlərdən” çəkinməyə çağırıb və beynəlxalq qaydalara, eləcə də kommersiya etikası prinsiplərinə əməl etməyi tövsiyə edib.

Eyni dövrdə Çin Nəqliyyat Nazirliyi Avropa şirkətlərinə Yaxın Şərqdəki münaqişə fonunda yaranan fasilələrə baxmayaraq, qlobal təchizat zəncirlərinin sabitliyini qorumağın vacibliyini xatırladıb.