Çin fevralda neft idxalında rekord yenilədi

Fins.az - Çin fevral ayında sutkada orta hesabla 12,53 milyon barel neft idxal edərək bu ay üzrə tarixi rekord müəyyənləşdirib. Bu barədə hesablamalar Çinin Baş Gömrük İdarəsinin məlumatlarına əsasən aparılıb.

Bundan əvvəl fevral ayı üzrə rekord 2021-ci ildə 11,73 milyon barel/gün səviyyəsində qeydə alınmışdı.

Keçən ay Çinin neft idxalı:

• 2025-ci ilin fevralı ilə müqayisədə 12,7%,

• 2026-cı ilin yanvarı ilə müqayisədə isə 8,9% çox olub.

Ümumi göstəricilərə görə, fevralda 48,045 milyon ton neft idxal edilib və bunun dəyəri 22,2 milyard dollar təşkil edib. Müqayisə üçün:

• 2025-ci ilin fevralında – 42,661 milyon ton,

• 2026-cı ilin yanvarında – 48,889 milyon ton neft idxal olunmuşdu.