Böyük Britaniyada avtomobil satışları iyunda 11,4 faiz artıb

Fins.az - Böyük Britaniyada iyun ayında yeni minik avtomobillərinin satışı ötən ilin eyni dövrü ilə müqayisədə 11,4 faiz artaraq 213 min 166 ədədə çatıb. Bu, 2019-cu ildən bəri iyun ayı üzrə ən yüksək göstəricidir.

Şəxsi müştərilərə satışlar 12,5 faiz artaraq 80 min 571, korporativ avtoparklar və lizinq şirkətlərinə satışlar isə 10,5 faiz yüksələrək 126 min 907 avtomobil təşkil edib. Kiçik biznesə avtomobil satışı da 17,1 faiz artaraq 5 min 688 ədədə çatıb.