Azərbaycanda ağ neft ehtiyatı 26,3 min ton olub

2026-cı ilin yanvar–aprel aylarında Azərbaycanda 164,2 min ton ağ neft istehsal edilib.

Fins.az xəbər verir ki, bu barədə Dövlət Statistika Komitəsi məlumat yayıb.

Məlumata əsasən, bu göstərici 2025-ci ilin eyni dövrü ilə müqayisədə 31,8 min ton və ya 16,2 faiz azalma deməkdir.

Cari ilin mayın 1-nə olan vəziyyətə görə, ölkədə hazır ağ neft ehtiyatı 26,3 min ton təşkil edib.

Qeyd olunub ki, hesabat dövründə Azərbaycanda neft məhsullarının istehsalı sahəsində istehsalın ümumi dəyəri 1 milyard 607,0 milyon manat olub və bu, ötən ilin müvafiq dövrü ilə müqayisədə 9,9 faiz azalma deməkdir.