Azərbaycan Türkiyədən mebel idxalına xərcləri 23%-dən çox azaldıb

Fins.az - 2026-cı ilin yanvar-fevral aylarında Azərbaycan Türkiyədən mebel, kağız və meşə sənayesi məhsulları idxalına 16,76 milyon ABŞ dolları xərcləyib. Bu, ötən ilin eyni dövrü ilə müqayisədə 23,3% azalma deməkdir.

Təkcə fevral ayında Türkiyədən Azərbaycana bu kateqoriya üzrə ixrac 8,669 milyon dollar təşkil edib ki, bu da illik müqayisədə 22,8% azdır.

Ümumilikdə isə Türkiyənin mebel, kağız və meşə sənayesi məhsulları ixracı iki ay ərzində 4,3% azalaraq 1,162 milyard dollar olub. Fevral ayında isə bu göstərici 0,9% azalaraq 600 milyon dollar təşkil edib.