Azərbaycan Kanadadan salmon idxalını bərpa edib

Fins.az - Yanvar ayında Azərbaycan 37,8 t salmon idxal edib, bunun dəyəri $334 min təşkil edib. Bu, əvvəlki ilin yanvar ayı ilə müqayisədə kəmiyyətcə 48%, dəyər baxımından 19% azdır.

Ölkə idxalını əsasən Norveçdən edib – 25,8 t ($268,5 min), Kanada 7,9 t ($44 min) salmon göndərib. Estoniyadan 3,8 t ($14,6 min), Türkiyədən 0,04 t ($3,4 min), Belarusdan 0,1 t ($1,85 min) məhsul alınıb.

Qeyd olunur ki, Azərbaycan Kanadadan salmon tədarükünü 1 il 3 aylıq fasilədən sonra bərpa edib.