ABŞ-ın neft ehtiyatları bir həftə ərzində 4,3 milyon barel azalıb

Finss.az xəbər verir ki, ABŞ-ın kommersiya xam neft ehtiyatları keçən həftə 4,3 milyon barel azalaraq 436,1 milyon barrelə düşüb, Energetika Nazirliyinin həftəlik hesabatında deyilir.

Mayın 30-da bitən həftədə benzin ehtiyatları 5,22 milyon barel, distillat ehtiyatları isə 4,23 milyon barel artıb.

“Trading Economics”in məlumatına görə, ekspertlər orta hesabla neft ehtiyatlarının 900 min barrel azalacağını, benzin ehtiyatlarının 1,5 milyon barel, distillələrin isə 2,2 milyon barel artacağını proqnozlaşdırıblar.

Nyu-York əmtəə birjasında (NYMEX) ticarət edilən neftin saxlandığı Cushing terminalında ehtiyatlar 576 min barel artıb.