ABŞ birjalarında qarışıq dinamika: S&P 500 və Nasdaq rekord yeniləyib

Fins.az - ABŞ fond bazarlarında həftə ortasında qarışıq dinamika müşahidə olunub. Dow Jones indeksi günü azalma ilə başa vurduğu halda, S&P 500 və Nasdaq indeksləri artaraq yeni rekord səviyyələrə yüksəlib.

S&P 500 tarixdə ilk dəfə 7000 bənd həddini keçib, Nasdaq isə ardıcıl on birinci sessiyada yüksəliş göstərib.

Bazarın yüksəlməsinə ABŞ banklarının güclü maliyyə hesabatları dəstək verib. Həmçinin ABŞ və İran arasında danışıqların bərpa olunacağına dair ümidlər investor əhval-ruhiyyəsinə müsbət təsir edib.

Məlumata görə, tərəflər arasında ikinci raund danışıqların keçirilməsi müzakirə olunsa da, hələlik rəsmi qərar qəbul edilməyib.