NYMEX-də təbii qazın qiyməti yüksəlib

Nyu-Yorkun "NYMEX" əmtəə birjasında təbii qazın qiymətində artım müşahidə olunub.

Fins.az xəbər verir ki, birjada keçirilən ticarət əməliyyatları zamanı 2026-cı ilin iyul ayında çatdırılmaq şərti ilə təbii qaza olan fyuçers müqavilələrinin dəyəri yüksəlib.

Məlumata görə, təbii qaz üzrə fyuçerslərin qiyməti 1 mln. BTU (British Thermal Unit – Britaniya istilik vahidi) üçün 2,08% artaraq 3,38 ABŞ dollarına çatıb.

Beləliklə, qlobal enerji bazarında təbii qaz üzrə fyuçers kotirovkaları müsbət dinamika nümayiş etdirib.