“Azeri Light” nefti dünya bazarlarında cüzi ucuzlaşıb

Dünya bazarlarında “Azeri Light” (CIF) markalı Azərbaycan neftinin qiymətinin cüzi ucuzlaşdığı bildirilir.

Finss.az-ın məlumatına görə, Azərbaycan neftinin bir barelinin qiyməti 0,07 ABŞ dolları və ya 0,11% azalaraq 65,73 ABŞ dollarına enib. Məlumata əsasən, əvvəlki ticarət sessiyasında “Azeri Light” markalı neftin bir bareli 65,80 ABŞ dollarına satılıb.

Xatırladaq ki, Azərbaycanın 2025-ci il dövlət büdcəsində “Azeri Light” markalı neftin bir barelinin orta qiyməti 65 ABŞ dolları səviyyəsində nəzərdə tutulub. Hazırkı qiymət göstəricisi büdcədə proqnozlaşdırılan səviyyədən yuxarı olaraq qalır.