FGE NexantECA neft qiymətlərinin $150–200 səviyyəsinə qalxa biləcəyini istisna etmir

Fins.az - Enerji bazarları üzrə məsləhətçi FGE NexantECA bildirir ki, əgər müharibə səbəbindən Ormuz boğazı yaxın altı-səkkiz həftə ərzində faktiki olaraq bağlı qalarsa, neftin qiyməti $150–200 səviyyəsinə qədər arta bilər.

FGE NexantECA-nın fəxri sədr heyətinin rəhbəri Fereydun Fesharaki Bloomberg Television-a açıqlamasında deyib ki, hər həftə 100 milyon barrel, hər ay isə 400 milyon barrel neft tədarük edilməyib və bu itkilər bazara ciddi təsir göstərəcək. Onun sözlərinə görə, bazar qiymətlərinə siyasətçilərin açıqlamaları yox, fiziki tədarük fasilələri təsir edir.

Əlavə olaraq, Macquarie şirkəti də neftin qiymətinin $200-a qalxa biləcəyini, Societe Generale isə $150 istiqamətində “əhəmiyyətli sıçrayış” potensialını görür. Hazırda çərşənbə axşamı günü Brent nefti $115, WTI isə $105 səviyyəsində ticarət olunur.