Avropada səhmlər ucuzlaşır

Fins.az xəbər verir ki, Avropada karantin narahatlığı nəticəsində səhmlərdə sərt ucuzlaşma müşahidə olunur. 

Avropa birjalarında ticarət edilən hissə sənədləri, bölgədə bəzi önəmli şəhərlərin Kovid-19 xəstə sayının artması səbəbilə məhdudlaşdırmalarını daha da ciddiləşdirməsi nəticəsində, son üç həftənin ən böyük enişini gerçəkləşdirdi. 

Müşahidələrə əsasən, "Stoxx Europe 600" indeksi London saatı ilə 10:20-də 2.4% aşağı səviyyələrdə idi. Nəticədə oktyabr ayındakı gəlirlərinin haradasa tamamını itirdi. Eyni zamanda, avtomobil və enerji sektoru hissələri bu mövzuda ən çox itki yaşayan qruplardan oldu. 

Parisdə küçəyə çıxmaq qadağası tətbiq edilərkən, Londonda məhdudlaşdırmalar daha da sərtləşdiyi bir zamanda, Almaniya və İtaliya Kovid-19 xəstələri sayında rekord artım olduğunu bildirdilər. 

Almaniyada "Dax" indeksi və İtaliyada FTSE MİB indeksi müvafiq olaraq 3.1 % və 2.1 %-lik itkilərlə cümə axşamı gününün satış dalğasından ən çox təsirlənən indekslər oldu.