ABŞ-da neft ehtiyatları 3,82 milyon barel artıb

Fins.az - ABŞ-da kommersiya neft ehtiyatları ötən həftə 3,82 milyon barel artaraq 443,1 milyon barelə çatıb. Bu göstərici 2025-ci ilin mayından bəri ən yüksək səviyyə hesab olunur.

Analitiklər ehtiyatların orta hesabla 1,1 milyon barel artacağını proqnozlaşdırırdılar.

Həmin dövrdə benzin ehtiyatları 3,65 milyon barel, distillat ehtiyatları isə 1,35 milyon barel azalıb.

Eyni zamanda, Nyu-York Əmtəə Birjasında (NYMEX) ticarət olunan neftin saxlandığı Kuşinq terminalında ehtiyatlar 117 min barel artaraq 2024-cü ilin avqustundan bəri ən yüksək səviyyəyə yüksəlib.