“ING” Azərbaycanın ÜDM artımı proqnozunu 2028-ci ilə qədər açıqlayıb
Fins.az - Niderlandın “ING bank qrupu”nun analitiklərinin yenilənmiş proqnozuna görə, Azərbaycanda 2026-cı ildə illik ÜDM artımı 2,5%, 2027-ci ildə isə 3% səviyyəsində gözlənilir.
2026-cı ilin rüblük ÜDM artımı proqnozu:
I rüb — 3%
II rüb — 2%
III rüb — 4%
IV rüb — 1%
2027-ci ilin rüblük proqnozu belədir:
I rüb — 3%
II rüb — 3,5%
III rüb — 2%
IV rüb — 3,5%
Dövlət Statistika Komitəsinin məlumatına görə, 2025-ci ildə Azərbaycanda ümumi daxili məhsul (ÜDM) 129,1 milyard manat təşkil edib ki, bu da əvvəlki ilə nisbətən 1,4% çoxdur. İqtisadiyyatın neft-qaz sektorunda əlavə dəyər 1,6% azalarkən, qeyri-neft-qaz sektorunda 2,7% artım müşahidə olunub.
ÜDM istehsalının sahələr üzrə bölgüsü:
Sənaye — 33,0%
Ticarət, nəqliyyat vasitələrinin təmiri — 11,3%
Nəqliyyat və anbar təsərrüfatı — 7,1%
Tikinti — 6,5%
Kənd təsərrüfatı, meşə təsərrüfatı və balıqçılıq — 5,9%
Turistlərin yerləşdirilməsi və ictimai iaşə — 2,8%
İnformasiya və rabitə sahələri — 2,1%
Digər sahələr — 21,7%
Məhsula və idxala xalis vergilər ÜDM-in 9,6%-ni təşkil edib. Hər bir əhaliyə düşən ÜDM 12 602,2 manat olub.
