İlkin gəlirlər üzrə daxilolmaların və ödənişlərin ümumi dövriyyəsi açıqlanıb

Ötən il Azərbaycanın ilkin gəlirlər balansında neft-qaz sektoru üzrə 3.4 milyard dollar kəsir, qeyri-neft-qaz sektoru üzrə isə 647.4 milyard dollar profisit olub.

Finss.az xəbər verir ki, bu barədə Azərbaycan Mərkəzi Bankından məlumat verilib.

Məlumata əsasən, nəticədə ilkin gəlirlər balansında kəsir 14.5% daralaraq 2.7 milyard dollar təşkil edib.

Hesabat dövründə ilkin gəlirlər üzrə daxilolmaların və ödənişlərin ümumi dövriyyəsi 7.9 milyard dollar olub.

Bunun 67.3%-ini 5.3 milyard dollar olmaqla Azərbaycandan qeyri-rezidentlərə ödənişlər təşkil edib. Bu məbləğin isə əsas hissəsini (3.9 milyard dollar) xarici investorların payına düşən gəlirlərin repatriasiyası (o cümlədən 3.5 milyard dollar beynəlxalq neft-qaz konsorsiumları üzrə əsasən xam neft və təbii qaz şəklində repatriasiya), qiymətli kağızlar portfeli üzrə qeyri-rezidentlərə ödənilən faizlər (0.3 milyard dollar), xarici kreditlərdən istifadəyə görə ödənilən faizlər (0.5 milyard dollar) və digər ödənişlər (0.6 milyard dollar) təşkil edib).