Bitkoini girov qoyub kredit götürə bilərsiniz

Məşhur kriptovalyuta cüzdanı olan Blockchain.com istifadəçiləri üçün bitcoin girovu müqabilində kredit verilməsi xidmətini təqdim edib. Borrow adlı yeni xidmət artıq martın 10-dan istifadəyə verilib. İstifadəçilər blockchain.com cüzdanda olan bitcoin təminatı müqabilində USD Digital əldə edə biləcəklər. USD Digital “Paxos Standard” kimi fəaliyyət göstərir və eyni şirkət tərəfindən dəstəklənir. Blockchain.com 2019-cu ilin mart ayında cüzdana PAX tokenini əlavə etmişdi. Bu token 1:1 nisbətində ABŞ dolları ilə təmin edilir və New York ştatının Maliyyə Xidmətləri İdarəsi tərəfindən tənzimlənir. 46 milyon istifadəçisi olan Blockchain.com hazırda 5 kriptovalyutanı – bitcoin, ethereum, bitcoin cash, stellar və USD Pax dəstəkləyir.

(C)KRiptoinvest