Bankların kredit portfelində cüzi azalma qeydə alındı

Fins.az - 2026-cı ilin yanvar ayında Azərbaycanda fəaliyyət göstərən bankların kredit portfeli 29 980,1 milyon manat təşkil edib.

2025-ci ilin dekabr ayında bu göstərici 30 063 milyon manat olub ki, bu da aylıq müqayisədə 0,3% azalma deməkdir.

Kredit portfelinin strukturunda əsas pay biznes kreditlərinin üzərinə düşür.

Kredit portfelinin strukturu

• Biznes kreditləri – 53,2% (15 948,9 mln. manat)

• İstehlak kreditləri – 31,4% (9 425,9 mln. manat)

• İpoteka kreditləri – 15,4% (4 605,3 mln. manat)

Yanvar ayında dekabrla müqayisədə biznes kreditləri təxminən 1% azalıb. Bununla yanaşı, istehlak kreditləri 0,8%, ipoteka kreditləri isə 0,06% artım göstərib.

Beləliklə, kredit portfelində ümumi azalma əsasən biznes seqmentindəki azalma ilə bağlı olub, fiziki şəxslər üzrə kreditləşmədə isə nisbətən sabit dinamika müşahidə edilib.