Azərbaycanda pul kütləsi artıb

Azərbaycan Mərkəzi Bankının (AMB) məlumatına görə, 2026-cı ilin martın 1-nə ölkədə geniş mənada pul kütləsinin (M3 aqreqatı) həcmi 49,116 milyard manat təşkil edib, bu göstərici aylıq müqayisədə 930 milyon manat və ya 1,9%, 2025-ci ilin eyni dövrü ilə müqayisədə isə 2,4 milyard manat və ya 5,2% artım göstərir.

Fins.az Azərbaycan Mərkəzi Bankının məlumatına əsasən xəbər verir ki, manatla pul kütləsi (M2 aqreqatı) 39,191 milyard manat təşkil edib, bu da aylıq müqayisədə 882 milyon manat və ya 2,3%, illik müqayisədə isə 3,7 milyard manat və ya 10,6% artım deməkdir.

Əməliyyatlar üçün pul kütləsi (M1 aqreqatı) 30,769 milyard manat olub, bu göstərici aylıq müqayisədə 910,2 milyon manat və ya 3%, illik müqayisədə isə 2,6 milyard manat və ya 9,3% artım nümayiş etdirir.

Banklardan kənarda olan nağd pul kütləsi (M0 aqreqatı) 17,859 milyard manat təşkil edib, aylıq müqayisədə 315,5 milyon manat və ya 1,8%, 2025-ci ilin eyni dövrü ilə müqayisədə isə 2,3 milyard manat və ya 14,8% artıb.

Pul bazarının əsas göstəriciləri (milyon manat), 1 mart 2026 – 1 mart 2025: