Azərbaycan banklarının "Bloomberg" ticarət sistemindəki əqdlərin həcmi 65,4 milyard manat olub

2025-ci il ərzində Bloomberg ticarət sistemində banklar arasında ümumi həcmi 65,4 milyard manat olan 3 661 ədəd əqd bağlanıb.

Finss.az-ın Azərbaycan Mərkəzi Bankına istinadən yaydığı məlumata görə, bu göstəricilər 2024-cü illə müqayisədə müvafiq olaraq 35,8% və 2,7% azdır.

Bildirilib ki, hesabat dövründə banklararası bazarın təminatsız sektorunda aktivlik davam edib. Qeyd olunub ki, həyata keçirilən əməliyyatların ümumi həcminin 95%-i 1-3 günlük əqdlər hesabına formalaşıb.

Mütəxəssislərin fikrincə, qısamüddətli əməliyyatların üstünlük təşkil etməsi bank sektorunda likvidliyin operativ idarə olunmasına yönəlmiş strategiyanın davam etdiyini göstərir.

Fuad Mədətov
Finss.az