Avstriyadan Azərbaycana pul köçürmələri artıb, əks istiqamətdə azalıb

2024-cü ilin ötən ilində Azərbaycandan Avstriyaya fiziki şəxslərin pul köçürmələrinin həcmi 5,7 milyon ABŞ dolları olub.

Finss.az Azərbaycan Mərkəzi Bankına istinadən xəbər verir ki, bu göstərici 2023-cü ilin eyni dövrü ilə müqayisədə 1,2 milyon ABŞ dolları və ya 17% azalma göstərir. Avstriyanın ümumi pul köçürmələrindəki payı isə 1,1% təşkil edib.

Eyni zamanda, Avstriyadan Azərbaycana fiziki şəxslərin pul köçürmələrinin həcmi 15 milyon ABŞ dolları olub ki, bu da 2023-cü ilə nisbətən 941 min ABŞ dolları və ya 6,7% artım deməkdir. Avstriyanın ölkəyə ümumi pul köçürmələrindəki payı isə 1,4%-ə yüksəlib.

2024-cü ilin ümumi pul köçürmələri hesabatı göstərir ki, Azərbaycandan xarici ölkələrə fiziki şəxslər tərəfindən edilən köçürmələr 526,8 milyon ABŞ dolları təşkil edib ki, bu 2023-cü ildəkindən 4,2% azdır. Eyni dövrdə xarici ölkələrdən Azərbaycana fiziki şəxslərin həyata keçirdiyi köçürmələr 1,08 milyard ABŞ dollarına çatıb ki, bu da 34,6% azalma nümayiş etdirir.

Azərbaycanın Avstriya iqtisadiyyatına qoyduğu birbaşa xarici investisiyalar 49,3 milyon ABŞ dolları olub ki, bu da 2023-cü ildəkindən 39,9 dəfə çoxdur. Bu sərmayələrin ümumi birbaşa xarici investisiyalar içindəki payı 2,8%-ə bərabərdir. Eyni zamanda, Avstriyanın Azərbaycan iqtisadiyyatına yatırdığı investisiyaların həcmi 50,4 milyon ABŞ dollarını təşkil edib ki, bu da əvvəlki illə müqayisədə 1,9 dəfə artıb.

Fuad Mədətov
Finss.az