Fins.az - Xalq Bank əmanətçilər üçün “Əmanət” lotereyasını elan edib. Kampaniya 1 aprel – 30 dekabr 2026-cı il tarixlərini əhatə edir və iştirakçılara 50 000 AZN daxil olmaqla yüzlərlə pul mükafatı qazanmaq imkanı yaradır.Lotereyada iştirak etmək üçün “Müddətli”, “Proqress” və “VİP-Rantye” əmanət məhsulları üzrə depozit yerləşdirmək və ya mövcud əmanəti uzatmaq kifayətdir. İştirak XalqOnline tətbiqində aktivləşdirilməlidir.Uduş şansları əmanətin məbləğinə görə hesablanır və ümumilikdə 2 ədəd 50 000 AZN, 45 ədəd 5 000 AZN, 75 ədəd 1 000 AZN və 105 ədəd 500 AZN mükafat təqdim olunur. Qaliblər tirajlar üzrə müəyyən edilərək bankın rəsmi kanallarında açıqlanacaq.
