Subaru E-Outback Avropa bazarına çıxır

Fins.az - Subaru yeni elektrik krossoveri E-Outback-i Avropada satışa çıxarıb. Avropa versiyası ABŞ-da keçən il təqdim olunan Trailseeker modelinin davamıdır. Avropada bu model “yaşıl” əlavəsi ilə tanınan Outback adı altında satışa çıxır, çünki bir çox ölkədə benzinlə işləyən yeni Outback ekoloji normalara görə təqdim olunmayacaq.

E-Outback iki motorlu tam ötürücülüdür və batareya seçimi təklif edilmir. Model dizayn baxımından ABŞ versiyasından fərqlənmir: iki mərtəbəli faralar, birləşdirilmiş arxa işıqlar, çoxlu boyanmamış plastik və iri bamperlər xarici görünüşü tamamlayır. Salonunda isə ayrı-ayrı ekranlar – həm alət paneli, həm də multimedia sistemi quraşdırılıb; alət paneli ön şüşəyə yaxın yerləşdirilib. Avropada E-Outback artıq Norveçdə sifariş edilə bilər.