Renault Megane E-Tech Electric yenilənib

Fins.az - Renault Avropa bazarı üçün nəzərdə tutulan Megane E-Tech Electric elektromobilinin yenilənmiş versiyasını təqdim edib.

Model ilk dəfə 2021-ci ildə satışa çıxarılıb və 2025-ci ildə bir dəfə yenilənib. İndi isə şirkət beşqapılı hetçbekin növbəti restaylinq edilmiş versiyasını nümayiş etdirib.

Yenilənmiş avtomobil daha müasir ön dizayn əldə edib və daha böyük tutumlu batareya ilə təchiz olunub. Bunun sayəsində avtomobilin bir enerji doldurulması ilə qət edə bildiyi məsafə WLTP standartına əsasən 500 kilometrə çatıb.

Şirkət hələlik modelin Avropada satışa çıxarılma tarixini və qiymətlərini açıqlamayıb.