Maksim Deykin beynəlxalq rallidə ikiqat qələbə qazanıb

Fins.az - Kalujalı pilot Maksim Deykin beynəlxalq Abu Dhabi Baja Challenge (ADBC) rallisində möhtəşəm uğura imza atıb.

Deikin Racing komandasının üzvü həm SSV Pro kateqoriyasında, həm də ümumi hesabda birinci olaraq turnirin qalibi olub. 2025–2026 mövsümündə keçirilən çempionat dörd mərhələdən ibarət olub və hər mərhələdə dünyanın müxtəlif ölkələrindən 100-dən çox tanınmış idmançı iştirak edib.

Səhrada keçirilən bu tip ralli-reydlər texnika və pilot bacarığı üçün ciddi sınaq hesab olunur. Çətin qum təpələri, dəyişkən relyef və ekstremal şərait iştirakçılardan maksimum peşəkarlıq tələb edir.

Komanda həm sürücülük bacarığı, həm də texniki hazırlıq baxımından yüksək səviyyə nümayiş etdirərək yarışları uğurla başa vurub.