Lotus 2028-ci ildə V8 mühərrikli yeni superkar təqdim edəcək

Fins.az - Lotus Cars yeni “Focus 2030” inkişaf strategiyasını təqdim edib. Şirkətin əsas məqsədi illik satış həcmini 30 min avtomobilə çatdırmaqdır.

Strategiya çərçivəsində model sırasının genişləndirilməsi planlaşdırılır. İlk mərhələdə yenilənmiş Lotus Emira modelinin təqdimatı gözlənilir.

Bundan əlavə, şirkət 2028-ci ildə tamamilə yeni flaqman superkarını bazara çıxarmağı planlaşdırır. Yeni model güclü benzinli V8 mühərriki əsasında qurulan hibrid güc qurğusu ilə təchiz ediləcək.

Lotus rəhbərliyi hesab edir ki, yeni strategiya markanın həm ənənəvi idman avtomobili seqmentində, həm də müasir yüksək performanslı hibrid modellər bazarında mövqeyini gücləndirəcək.