GMC Yukon Cadillac Escalade-V mühərriki ilə təchiz oluna bilər

Fins.az - ABŞ istehsalçısı GMC-nin flaqman yolsuzluq avtomobili Yukon yaxın zamanda daha güclü mühərriklə yenilənə bilər. Məlumata görə, model gələcəkdə Cadillac Escalade-V-də istifadə olunan yüksək performanslı aqreqatla təchiz oluna bilər.

Hazırda Yukon modelinin baza versiyası 3,0 litrlik Duramax turbodizel mühərriki ilə təklif olunur. Bu mühərrik 309 at gücü və 671 Nm fırlanma anı hasil edir. Model xəttində həmçinin 5,3 və 6,2 litrlik V8 benzin mühərrikləri də yer alır və onların gücü müvafiq olaraq 360 və 426 at gücünə çatır.

Gözlənilən yenilənmə çərçivəsində daha güclü mühərrikin əlavə edilməsi Yukon-un performansını artıraraq modeli öz seqmentində daha rəqabətli edə bilər. Bu dəyişiklik avtomobilin həm texniki göstəricilərini, həm də premium seqmentdə mövqeyini gücləndirməyə yönəlib.