Fins.az xəbər verir ki, Hesablama Palatası, 2025-ci il üçün işsizlikdən sığorta fondunun (İSF) büdcəsi ilə bağlı bir sıra təkliflər verib.

Təkliflər arasında əsas məsələlər aşağıdakılardır:

1. İzahata daxil edilməli məlumatlar: Fondun gəlir və xərclərinə təsir edən əsas göstəricilərin, o cümlədən məşğul əhalinin sayı, işsizlik və işaxtaranların statistikası, peşə hazırlığı və özünüməşğulluq tədbirlərinin nəticələri ilə bağlı məlumatların təqdim edilməsi.

2. Vergi orqanlarına dair dəyişikliklər: Vergi orqanları tərəfindən işsizlikdən sığorta haqları üzrə daxil olan vəsaitlərin bölgüsünün istifadəsi ilə bağlı "İşsizlikdən sığorta haqqında" qanuna dəyişikliklərin edilməsi.

3. Sığorta ehtiyatlarının yaradılması: Sığorta ehtiyatlarının yaradılması və qalıq vəsaitin bir hissəsinin bu ehtiyatlara yönəldilməsi, bunun büdcə layihələrində əks etdirilməsi.

4. İnvestisiya fəaliyyətinin təhlili: Büdcənin müvafiq parametrlərinə investisiya fəaliyyətini əhatə edən göstəricilərin əlavə edilməsi.

5. Büdcə tərtibi prinsiplərinə baxış: Fondun gəlir və xərc potensialı nəzərə alınmaqla büdcə tərtibi prinsiplərinə yenidən baxılması.

6. İdarəetmə xərclərinin müəyyənləşdirilməsi: İdarəetmə xərclərinin yuxarı həddinin müəyyənləşdirilməsi.
    

Fuad Mədətov
Fins.az