Yenidən tikintisi nəzərdə tutulan yaşayış məskənlərinin  sakinləri ilə  növbəti görüş keçirilib.

Fins.az xəbər verir ki, bu dəfə layihələndirmə prosesi davam edən Qubadlı rayonunun Xanlıq və Muradxanlı kəndlərinin ilkin konsepsiyası  kənd sakinlərinə təqdim olunub. 

Görüş Şərqi Zəngəzur iqtisadi rayonuna daxil olan Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyi və Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti tərəfindən təşkil olunub.

Tədbirin məqsədi  kəndin tarixi, mədəni irsi və sosial dəyərləri, digər özəllikləri barədə ətraflı məlumat toplamaq və  onun ilkin konsepsiyasını sakinlərə təqdim etməkdir.

Həmçinin, görüşdə kənd sakinlərini maraqlandıran suallar cavablandırılıb, onların istək və təklifləri dinlənilib, mövzu ətrafında fikir mübadiləsi aparılıb.

Məhəbbət Məmmədov
Fins.az