Ən aktiv istifadəçilərlə mesajlaşma tətbiqi ünvanını qoruyub saxlamaq istəyən WhatsApp, yeni funksiyasını sınaqdan keçirməyə başladı. WABetaInfo-da yayımlanan xəbərə görə, WhatsApp beta yeniləməsində stiker redaktə funksiyasını sınaqdan keçirməyə başlayıb.

Fins.az xəbər verir ki, ilk olaraq iOS 24.1.10.72 yeniləməsi ilə WhatsApp beta istifadəçilərinə təqdim edilən yeni funksiya, tətbiq vasitəsilə stikerləri redaktə etmək imkanı təqdim edir. Yeni funksiya sayəsində istifadəçilər üçüncü tərəf proqramlarına ehtiyac olmadan asanlıqla stiker yarada/redaktə edə biləcəklər.

Google Play Store-da mövcud olan Android üçün ən son WhatsApp beta 2.24.6.5 yeniləməsində məlum oldu ki, WhatsApp bəzi beta testerlərinə stiker redaktə funksiyası təklif edir. Ekran görüntüsündə gördüyünüz kimi, WhatsApp şəkillərdən stikerlər yaratmaq üçün nəzərdə tutulmuş alət təklif edir.

İndi stiker klaviaturasına daxil olub “yarat” seçimini etməklə və ya birbaşa təsviri açıb, daşqın menyusuna daxil olaraq və “stiker yarat”ı seçməklə asanlıqla şəkildən stiker çevirmək mümkündür. İstifadəçilər həmçinin “stikeri redaktə et” seçimini seçməklə mövcud stikeri redaktə edə biləcəklər.

Şəkil seçildikdə WhatsApp avtomatik olaraq təsvirin içindəki detalları vurğulayaraq rəsm redaktorunu açır. Nəticə seçimlərinizə uyğun gəlmirsə və fərqli üslub axtarırsınızsa, ekranın altındakı seçimlərdən alternativ stikerlərə baxa bilərsiniz.

WhatsApp daxilində birbaşa stikerlər yaratmaq imkanı WhatsApp beta versiyasını quraşdırmış bəzi beta istifadəçiləri üçün əlçatan olub. Yaxın həftələrdə daha çox insan üçün əlçatan olacağı təxmin edilir.

Günel Məlikzadə
Fins.az