Avro-2020-nin bütün qruplarının tərkibi dəqiqləşib.

Fins.az xəbər verir ki, pley-off mərhələsində final oyunlarından sonra son 4 komandanın da hansı qrupda yer alacağı bilinib.

Şimali Makedoniya C, Şotlandiya D, Slovakiya E, Macarıstan isə F qrupunda mübarizə aparacaq.

A qrupu: Türkiyə, İtaliya, Uels, İsveçrə

B qrupu: Danimarka, Finlandiya, Belçika, Rusiya

C qrupu: Niderland, Ukrayna, Avstriya, Şimali Makedoniya

D qrupu: İngiltərə, Xorvatiya, Şotlandiya, Çexiya

E qrupu: İspaniya, İsveç, Polşa, Slovakiya

F qrupu: Macarıstan, Portuqaliya, Fransa, Almaniya

Xatırladaq ki, koronavirus pandemiyası səbəbindən Avro-2020-nin final mərhələsi 1 il sonraya təxirə salınıb. Qitə çempionatı Bakı da daxil olmaqla Avropanın 12 şəhərində 2021-ci il iyunun 11-dən iyulun 11-dək keçiriləcək.

Bakı Olimpiya Stadionunda A qrupunun İsveçrə – Uels, Türkiyə – Uels və Türkiyə – İsveçrə qarşılaşmaları, eləcə də 1/4 final mərhələsinin bir oyunu olacaq.