"Fənərbaxça" növbəti transferlərini həyata keçirib.

Fins.az klubun saytına istinadən xəbər verir ki, İstanbul təmsilçisi "Bazel"dən Kemal Ademini, PAOK-dan Dimitrios Pelkası transfer edib. İsveçrəli hücumçu ilə 4, yunanıstanlı yarımmüdafiəçi ilə 3+1 illik müqavilə imzalanıb.

Qeyd edək ki, Ademi ötən mövsüm İsveçrə Superliqasında 26 matçda 13 qol vurub. Pelkas isə bu mövsüm PAOK-da 8 oyunda 2 dəfə fərqlənib.