İsveçrə Futbol İttifaqı milli komandanın baş məşqçisi məsələsinə aydınlıq gətirib.

Fins.az-ın məlumatına görə, ittifaq hazırkı çalışdırıcı Vladimir Petkoviçlə yoluna davam etmək qərarına gəlib.

2014-cü ildən yığmanı çalışdıran 56 yaşlı mütəxəssislə hətta yeni müqavilə də imzalanıb. Bağlanan sazişə əsasən, Petkoviç DÇ-2022-nin sonuna qədər komandanın "sükanı arxası"nda dayanacaq. Ancaq komanda dünya çempionatına vəsiqə qazana bilməsə, ittifaqın müqaviləyə xitam vermək hüququ olacaq.

Qeyd edək ki, İsveçrə millisi AVRO-2020-də İtaliya, Türkiyə və Uelslə A qrupunda mübarizə aparacaq. Komanda italyanlarla Romada, digər iki rəqiblə isə Bakıda üz-üzə gələcək.

© Azxəbərsport