Supermarket sektorunda yeni iş imkanları

Fins.az – Azərbaycanda fəaliyyət göstərən Bravo supermarketlər şəbəkəsi “İşə qəbul günləri” təşkil etdiyini açıqlayıb.

Şirkətin məlumatına görə, iş axtaran şəxslər 15, 16 və 17 iyul tarixlərində saat 10:00–13:00 aralığında elan olunan vakansiyalar üzrə müraciət edə bilərlər.

İşə qəbul çərçivəsində satıcı-kassir, mal qəbulçusu, qəssab və çörəkçi vəzifələri üzrə namizədlərin müraciətləri qəbul olunacaq.

Müraciətlər Bravo Hiper marketlərinin müştəri xidmətləri bölmələrində qəbul ediləcək. Namizədlər H. Əliyev prospekti, 172 ünvanında yerləşən Bravo Hiperə, eləcə də 20 Yanvar dairəsində yerləşən Bravo Hiperə yaxınlaşaraq vakansiyalar üzrə müraciət edə bilərlər.