Azərbaycanda nikah və boşanma göstəriciləri açıqlanıb

Ədliyyə Nazirliyinin rayon və şəhər qeydiyyat şöbələri tərəfindən 2026-cı ilin yanvar ayında 2 922 nikah və 1 779 boşanma faktı dövlət qeydiyyatına alınıb.

Fins.az xəbər verir ki, bu barədə məlumat Dövlət Statistika Komitəsinin 2026-cı ilin yanvar-fevral aylarını əhatə edən makroiqtisadi göstəricilərində yer alıb.

Hesabata əsasən, 2025-ci ilin müvafiq dövrü ilə müqayisədə əhalinin hər 1000 nəfərinə düşən nikahların sayı 5,4-dən 3,4-ə, boşanmaların sayı isə 2,1-dən 2,0-a düşüb.

Qeyd olunub ki, bu göstəricilər ölkədə demoqrafik vəziyyətin izlənməsi və sosial siyasətin planlaşdırılması üçün əsas statistik məlumatları təmin edir.