Prezident İlham Əliyev IV Şuşa Qlobal Media Forumunun açılışında iştirak edib

Fins.az – İyulun 13-də Şuşa şəhərində “Sülhün təşviqində medianın missiyası: Həqiqətin bərpası və etimadın yenidən qurulması” mövzusunda IV Şuşa Qlobal Media Forumu öz işinə başlayıb.

Açılış mərasimində Azərbaycan Respublikasının Prezidenti İlham Əliyev iştirak edib.

Dövlət başçısı Forum çərçivəsində çıxış edərək iştirakçıların ünvanladıqları sualları cavablandırıb.

IV Şuşa Qlobal Media Forumu beynəlxalq media nümayəndələrini, ekspertləri və müxtəlif ölkələrdən olan qonaqları bir araya gətirərək sülhün təşviqində medianın rolu, həqiqətin bərpası və qarşılıqlı etimadın gücləndirilməsi kimi aktual mövzuların müzakirəsinə həsr olunub.