Apreldə sərhəddə 4,7 milyon manatlıq qaçaqmal tutulub

Finss.az - Ötən ay narkotik vasitələrin qeyri-qanuni dövriyyəsinə qarşı mübarizə tədbirləri çərçivəsində Dövlət Sərhəd Xidmətinin əməkdaşları tərəfindən 228 kiloqram 925 qram narkotik vasitə, həmçinin 14,965 ədəd narkotik tərkibli güclü təsiredici həb aşkarlanıb və dövriyyədən çıxarılıb.

Dövlət Sərhəd Xidmətinin Mətbuat Mərkəzinin məlumatına görə, qaçaqmalçılıqla mübarizə tədbirləri nəticəsində ümumi dəyəri 4 milyon 793 min 692 manat olan qaçaqmal aşkarlanıb. Aşkarlanan qaçaqmal arasında dron, patron, dərman vasitələri, spirtli içki və tütün məmulatları da yer alıb.

Bu əməliyyatlar nəticəsində sərhədlərdə qaçaqmalçılıq fəaliyyətinin qarşısı alınıb və təhlükəli narkotik vasitələr dövriyyədən çıxarılaraq cəmiyyətin təhlükəsizliyi təmin olunub.